الحاله المصريه 1

الحاله المصريه .بدايتها اصابع مخفيه. واجندات خارجيه .والماركه بتاعه شعب المحروسه "الفول والطعميه". مجموعه تقول حريه .وعداله.وكرامه اجتماعيه.والفرقه الطاهره تقول جمعه تقصيرالبنطلون والجلابيه. توحيد الامه علي قالب واحد .والواحد سايب لعباده الحريه تنطق يقولولك سلفيه .لا علمانيه ولا ليبراليه ولا فكره دوله مدنيه.الجنه المقصد تذاكرها معانا .مش عاجبك .خد عندك فاسق...فاجر ؟خارج من المله الاسلاميه. اسلامهم صعب وكلامهم منقول من ورقه قديمه ومهريه .مكتوبه بحبر علي الورقه لاكن في عقولهم. الصفحه كئيبه مصديه .ويقولك زحف ويقولك غزوه . الفكره بسيطه في معناها لاكن وياهم تلاقيها عدوانيه . تقديم النقل علي العقل ده شرط اساسي .والعقل لصاحبه مايجبش غير بس مآسي . ثقافتهم كم من الحكمه .مخلوطه بكم من النقمه . رافضين كل اللي يحاول . ويدور في كنوز الله .قرآنا علي طول الدهر .كل اللي هتحتاجه تلقاه .مش فهم سلفنا الصالح اياه.علي عينا وراسنا .بس نبينا محمد ما أمرش نعذب خلق الله.او نحجر علي رأي الناس .نرهبهم من قوله آه نرعبهم من قوله لا .قلتولنا الحاكم آمر ومطاع.وخروجنا عليه معصيه لله . قام خرج المظلوم نادي بحقه .وآدي الظالم وقعناه. بس ده كان واخد منكم .العهد يعدي اليم وانتوا وراه . الخاتم كان هوه محمد .ومحمد كان عبد الله .بعديه العالم له وضعه .وبعلمه بيثبت مش بهواه. الكلمه اللي توصل بني آدم .للنار والهدم .وخناقه علي ناصيه شارع تسمع فيها الاديان تتسب .والواد اللي اتربينا اخوات .يتقالك ابرأ منه ابنيلك سد.ومعامله سيدنا واخلاقه .والسيره ازاي كان مع اعدائه .والارض اللي اتفتحت للكل عايزنها لطايفه ويموت. الكل . مش عدل .ماهو اللي زرع شوك مستحيل يحصد فل . )طبعا ممكن اكون ايدي خفيه تتربص بالشؤون الداخليه ..او كافر او زنديق بس برده ربنا ياخد البهايم